മലയാളഭാഷയുടെയും മറ്റ് വിവരവിനിമയ സാങ്കേതിക വിദ്യകളുടെയും സംയോജനം, ലാംഗ്വേജ് കമ്പ്യൂട്ടിംഗ് സാങ്കേതികവിദ്യയിലൂടെ മലയാള ഭാഷയുടെ ആഗോളവൽക്കരണം, ഭാഷാ-സാംസ്കാരികാനുസൃത സോഫ്‌റ്റ്‌വെയർ നിർമ്മാണം, ഗവേഷണം, പ്രസിദ്ധീകരണം, കൺസൾട്ടേഷൻ, മലയാളഭാഷാസാങ്കേതികവിദ്യാ പരിശീലനം തുടങ്ങി വിവിധസേവനങ്ങൾ മലയാളം ലാംഗ്വേജ് കമ്പ്യൂട്ടിംഗ് മേഖലയിൽ റിസർച്ച് & ഡെവലെപ്പ്മെന്റ് വിഭാഗം നൽകിവരുന്നു. മലയാളം യൂണികോഡ് ഫോണ്ട് ആയ നിളയുടെ രൂപകൽപ്പന, എന്റെമലയാളം, ഭാഷാമിത്രം ഓൺലൈൻ നിഘണ്ടു തുടങ്ങിയ വെബ്സൈറ്റുകൾ, ഭാഷാമിത്രം നിഘണ്ടുവിന്റെ മൊബൈൽ പതിപ്പ്, കേന്ദ്ര സർക്കാരിന് വേണ്ടിയുള്ള ട്രീ ബാങ്ക് പദ്ധതി എന്നിവ വിജയകരമായി പൂർത്തിയാക്കിയിട്ടുള്ള പദ്ധതികളാണ്.
ഓരോ വാക്യത്തിൻ്റെയും ഘടകത്തിന് ഏറ്റവും അനുയോജ്യമായ ഭാഷണഘടകം (Parts of Speech) തിരഞ്ഞെടുക്കുന്നത് പാർട്ട്സ്-ഓഫ്-സ്പീച്ച് ടാഗിംഗ് രീതിയിൽ ഉൾപ്പെടുന്നു. ഓരോ വാക്യഘടകത്തിൻ്റെയും പ്രവർത്തനം വിശകലനം ചെയ്യുന്നത്തോടെ, വാക്യത്തിൻ്റെ ഓരോ പദവുമായി ബന്ധപ്പെട്ട ഭാഷണഘടകങ്ങളായ നാമങ്ങൾ, ക്രിയകൾ, നാമവിശേഷണങ്ങൾ, ക്രിയാവിശേഷണങ്ങൾ എന്നിങ്ങനെയുള്ള സംഭാഷണത്തിൻ്റെ വിവിധ ഭാഗങ്ങൾ അപഗ്രഥിക്കുന്നതിന് പാർട്ട്സ്-ഓഫ്-സ്പീച്ച് ടാഗിംഗ് സഹായിക്കുന്നു.
ഗവേഷകരുടെ സൗകര്യാർത്ഥം പദം/ വാക്യം കീവേർഡ് ആയി നൽകി ഒരു വെബ്‌സൈറ്റിൽ നിന്നും ഉപയോക്താവിന്റെ ആവശ്യാനുസരണം വിവിധ പേജുകളിലായി പ്രസിദ്ധീകരിച്ചിരിക്കുന്ന കീ വേർഡ് ഉൾപ്പെടുന്ന പദസഞ്ചയം പകർത്തിയെടുക്കുന്ന പ്രക്രിയയാണ് ടെക്സ്റ്റ് മൈനിംഗ്/പാഠഖനനം
സെന്റർ ഫോർ ഡെവലപ്മെന്റ് ഓഫ് ഇമേജിംഗ് ടെക്നോളജി (സി-ഡിറ്റ്) , ചിത്രാഞ്ജലി ഹിൽസ്, തിരുവല്ലം.പി ഒ, തിരുവനന്തപുരം കേരളം - 695 027